Тој има 100 години, породил 18.000 бебиња и сеуште работи...
Докторот Валтер Вотсон од американската сојузна држава Џорџија може да се пофали со навистина импресивен рекорд. Стогодишниот лекар, барем според официјалните податоци, е најстариот лекар на светот кој сеуште работи на професијата. Во неговата 63-годишна кариера бил присутен во породувањето на повеќе од 18.000 деца, различни генерации, пишува Daily Telegraph.
Меѓу неговите пациенти е 77-годишната Сабра Ален за чие здравје се грижи цели 59 години. Тој породил 17 членови на нејзиното семејство. "Тој породи пет мои деца и дванаесет внуци. Никој не е како него, тој е најдобриот", изјавила г-ѓа Ален. Доктор Вотсон сеуште секојдневно оди на работа и вели дека ужива во неа. "Ништо не е толку убаво како што е присустувањето на раѓање на нов живот. Ја сакам медицината и сакам да имам контакт со луѓето. Тоа ми дава причина за станување од кревет наутро", изјавил најстариот доктор на светот.
