Потрагата за вештачка интелигенција во нашите компјутери исто така значи и изнаоѓање начини со чија помош и двата ентитета (ние и машините) би можеле да комуницираме разбирливо...
Додека компјутерите обработуваат вербални команди во прилично едноставна форма, луѓето од друга страна користат многу пософистицирана форма на говор, користејќи сленг или симболи, за да објаснат за што зборуваат. Тим на истражувачи од Израел, развил компјутерски алгоритам, кој препознава, ни помалку ни повеќе, туку сарказам кај луѓето.
Со прецизност од 77 посто, SASI (Semi-supervised Algorithm for Sarcasm Identification), препознава саркастични реченици. За да го развијат овој алгоритам, израелскиот тим скенирал 66.000 коментари на производи на страниците на amazon.com, а саркастичните реченици ги означувале тројца истражувачи. По тоа тимот ги идентификувал обрасците на сарказам, што се појавуваат во коментарите и од нив го развиле овој тип на алгоритам.
