Добриот живот започнува по 50-те години, покажуваат новите истражувања, според кои ова е почетокот на најсреќните години од животот.

Стресот, гневот, и грижите избледуваат со зголемувањето на годините, тврдат научниците. И покрај зголемениот ризик од здравствени проблеми, луѓето се помалку загрижени, ги игнорираат негативните емоции и се фокусираат на пријатните и позитивни доживувања.

Според д-р Артур Стоун, психолог од Универзитетот во Њујорк, откритието е "неверојатно".

Со зголемувањето на возраста, луѓето се фокусираа на семејството и пријателите, кои ги прават среќни. Истражувањето во кое учествувле 340 000 лица, покажува дека чувството за подобар живот и среќа се зголемува по поминувањето на средната возраст. Нивото на стрес, загриженост и лутина значително се намалува во педесеттите години, а чувството на среќа, задоволство и сатисфакција се зајакнува.