Робот висок 1,5 метри, наречен I-Fairy, вчера во Токио ја водел церемонијата за стапување во брак на Томохиро Шитаба и Сатоку Инуе, соопшти "Japan Today".

Младоженецот и невеста работат во фирма за Роботи. Јапонија ja има една од најнапредните индустрии за Роботи во светот. Јапонската влада активно ја поддржува како еден од секторите за иден раст. Роботите широко се користат во индустријата, но во последно време јапонските компании направија важен чекор со воведувањето на Роботи во секојдневниот живот.

По завршувањето на церемонијата, Роботот контролиран од човек, му рекол на младоженецот да го подигне превезот на невестата и да ја бакне.