Австралиската тинејџерка Џесика Ватсон која поминала седум месеци на море, станала најмладата личност која сама цело време и без никаква помош го отпловила светот...
16-годишната Џесика Ватсон пристигнала во саботата на пристаништето во сиднеј откако поминала 23.000 наутички милји. Илјадници луѓе се собрале во пристаништето за да ја поздрават при влегувањето на нејзината розова 10-метарска едрилица. Кога пристигнала во близина на Операта, тоа бил прв пат Ватсон да стои на цврсто тло по 210 дена поминати на море. Ватсон за време на пловидбата се борела со 12 метарски бранови и со многубројни сериозни тешкотии за време на патувањето, кое го водила северо-источно преку јужниот Пацифик и над Еквадор, на југ до Кејп Хон на самиот врв на Јужна Америка, преку Атланскиот океан до Јужна Африка, низ индискиот океан и околу јужна Австралија.
