Персиски килим од 17 век постави нов светски рекорд, откако беше продаден за 6,2 милиони фунти, на аукција, организирана од аукционерска компанија "Кристис" во Лондон, Велика Британија, пишува британскиот таблоид "DailyMail".

Цената е 20 пати поголема од првично одредената. Купувачот, кој сакаше да ја задржи својата анонимност, беше поздравен од страна на оние кои присуствуваа на аукцијата. Претходниот сличен рекорд беше 2,3 милиони фунти за свилен килим, за кој исто така се смета дека бил направен во 17 век.

"Овој килим има прекрасен шарм, суптилност и рамнотежа, помешани со неверојатен дизајн", рекол претставник на аукционерска компанија, откако тепихот бил продаден.

Истовремено портпаролот на "Кристи", рекол дека овој килим го докажува талентот на ткајачите од иранскиот град Керман, кои несомнено биле меѓу најистакнатите во занаетот.