Во Абу Даби ќе се гради првиот еколошки град на иднината...

Masdar City ќе биде град без јаглероден диоксид, фосилните горива и ѓубре. Тој ќе биде наменет за живот на 50 илјади жители а неговата изградба ќе чини 22 милијарди американски долари, а планот за изградба на еколошкиот град е наменет за 2016 година. Градот е изграден со цел да биде неутрален за околината и климата, а трошковите за изградба ќе бидат финансирани од продажбата на сертификатите за овој град.

Овие сертификати се дел од Протоколот од Кјото, кој им овозможува на земјите да ослободат само одредена количина на штетни гасови во воздухот. Земјите можат да ги продадат правата на својата допуштена количина, како што ќе направи Абу Даби. Градот е замислен без автомобили, односно жителите на Madsar City ќе ја користат исклучиво подземната железница и автомобили на електричен погон.

Енергијата која ќе се искористува, ќе се произведува на соларни централи и турбини на ветар, а 80% ќе биде помала потрошувачката на вода отколку во денешните градови. Ѓубрето ќе се рециклира во целост, а зградите, зелените паркови и уредите за вода ќе служат за подобро поднесување на пустинската клима, без фосилни горива.