СМС пораките станаа најчестата форма за комуникација помеѓу тинејџерите.

Тинејџерите во САД пишуваат повеќе SMS-и, за разлика од телефонските разговори, покажува анкета на истражувачкиот центар "Internet & American Life Project" и Универзитетот во Мичиген.

Студијата открива дека средно младите праќаат и примаат 50 пораки на ден или 1500 пораки на месец. 31% од испитаниците испраќаат и добиваат повеќе од сто SMS-и на ден или повеќе, што значи 3 000 пораки месечно. 15% испраќаат повеќе од 200 пораки на ден, а девојчињата испраќаат два пати повеќе пораки во споредба со момчињата.

Во студијата учествувале 800 тинејџери на возраст помеѓу 12 и 17 години. 75% од нив имаат мобилни телефони, во споредба со 45% во 2004 година. Од сите тинејџери со мобилни телефони, барем 87% признаваат дека пишуваат SMS-и од време на време.

Истражувањето покажува дека текстуалната комуникација е замена за комуникацијата лице в лице, електронска пошта, телефонските разговори и говорна пошта. 2/3 од испитаниците велат дека е подобро да напишат порака до пријател, наместо да му се јават.