Клучот од орманот каде што се чувани биноклите на бродот "Титаник", е предложен на аукција и може да биде продаден за сума до 70 000 фунти.

Бидејќи во 1912 година сонарот уште не бил измислен, единствениот инструмент за откривање на пречки бил биноклот, но и покрај тоа што бродот имал бинокло, тој се наоѓал под клуч, кој се наоѓал кај вториот помошник капетан Дејвид Блер. Сепак, тој ја напуштил оваа функција непосредно пред заминувањето на "Титаник" и заборавил да го предаде клучот на неговиот заменик Хенри Вајлд, по што одлучил да си го задржи како спомен. 

Од истрагата за несреќата станало јасно дека ако набљудувачот имал бинокло, би можел да ја види оддалеку фаталната санта мраз и да го предупреди капетанот и кормиларот, со што би го спречиле судирот.

По  неколку години Дејвид Блер го подарува клучот на неговата ќерка, која од своја страна, подоцна го донира на Британското и Меѓународно здружение на морнарите.

Покрај клучот на аукција ќе се најде и писмото што Блер го напишал на неговата сестра, во кое изразува жалење затоа што не отпатувал со бродот.