Forbes ja објави листата на 100-те најбогати бизнисмени во Русија за 2010 година. Во "златната стотка" оваа година фигурираат имињата на 23 бизнисмени, кои не се во листата од минатата година. Од нив 12 се вратиле, а 11 за прв пат се нашле во неа.

Генералното состојбата на вклучените во листата на Forbes достигнала 297 милијарди долари во споредба со 142 милијарди минатата година. Но, најголемата промена за изминатата 2009 година е двојно зголемениот на бројот на милијардери во Русија: 62 спрема 32 во 2008 година.

Најбогат во Русија, како што беше објавено претходно, е претседателот на управниот одбор на компанијата за челик „Новолипетск стил“ Владимир Лисин. Неговата состојба се проценува на 15,8 милијарди долари и најголем пораст забележал во текот на годината за 10,6 милијарди долари.

Водачот од минатата година - претседателот на групата "Онексим" Михаил Прохоров - сега е втор со 13,4 милијарди долари.

Како трет во листата е претседателот на надзорниот одбор на "Алфа-груп" Михаил Фридман со 12,7 милијарди долари.

Покрај нив во првите десет влегуваат: сопственикот на Челзи и корпорација "Евроазија" Роман Абрамович, генералниот директор на "Русал" Олег Дерипаска, претседателот на "Лукоил" Вагит Алекперов, претседателот на "Интеррос" Владимир Потанин, генералниот директор на "Северстал" Алексеј Мордашов, претседателот на управниот одбор на металуршкиот комбинат Виктор Рашников, претседателот на управниот одбор на "Уралкалиј" Дмитри Риболовлев.

Најпознатиот русин, кој не се наоѓа во листата на милијардерите, е Борис Березовски. 

Просечната возраст на учесниците во "златната стотка" е 48,5 години, 9 бизнисмени се под 40-годишна возраст. Интересен е фактот дека 39 бизнисмени имаат од четири до седум деца. Најмногу деца има пратеникот Андреј Скоч, седум.

Како и предходно само една жена се наоѓа во листата меѓу најбогатите во Русија претседателката на "Интеко" Елена Батурина.

Нејзината состојба за една година е зголемена за 0,9 милијарди долари, достигнувајќи сума од 2,9 милијарди.

Главното место, каде што живеат руските милијардери, е главниот град Москва.