Американскиот претседател Барак Обама предвидува до 2035 година САД да испрати астронаути во орбитата околу Марс, а подоцна и на самата планета...

Презентирајќи стратегија за иднината на американската вселенска програма во Кејп Канаверал, Обама рекол дека се надева дека ќе биде сведок на овие настани. На почетокот на следната деценија ќе се тестираат технички средства потребни за истражување на вселената надвор од блиската орбита на земјата. Плановите се до 2025 година да има вселенски бродови, кои ќе овозможат спроведување на мисии надвор од месечината, во длабоката вселена.

Во овој контекст Обама објавил зголемување на буџетот на американската вселенска агенција од 6 милијарди долари за пет години. Ова ќе им дозволи на НАСА да го прошират истражувањето на Сончевиот систем и следењето на Земјата во корист за појасна идеја за климатските промени. Во моментов НАСА располага со најголем буџет за вселенско истражување во светот - околу 18 милијарди долари годишно. А во компанијата работат околу 23.000 луѓе.