Приватниот автомобил на Луис Хамилтон, возачот на формула 1 се продава на аукција, откако поради негрижа на сопственикот заврши во рацете на полицијата...

Луксузниот сребрен Мерцедес AMG C63 се продава на аукција, а со него новиот сопственик ќе добие и соодветна документација, докази за запленување, потпишана фотографија од славниот возач полицискиот извештај за инцидентот што го предизвикал Хамилтон. Познатиот возач по трката во Австралија извршил шоу за гледачите, со својот автомобил возел во близина на публиката и по неколку дрифтови застанал пред полициските комбиња.

Полицијата направила записник и го земала автомобилот кој сега се продава во автосалонот на Мерцедес во Мелбурн. Неговата сегашна цена е 97 илјади фунти, а предлозите од аукцијата сеуште продолжуваат.