Бестрашниот Џонатан Трапе се подготвува за лет со балони исполнети со хелиум, со кои има намера да го сруши светскиот рекорд во издржливост...

Тој треба да помина растојание од 35 километри на надморска височина од 2.1 километри, преку Англискиот канал ќе мора да лета континуирано во текот на денот и ноќта, а ако тоа успее, ќе стане првиот кој направил такво нешто.

Трапе за време на минатиот викенд се подготвувал за својот лет летајќи во воздух со балони речиси 14 часа, во Северна Каролина над својот дом. Тој успеал да ја постигне потребната висина од 2.1 килметри, па веќе и со тоа станал првиот кој бил врзан за балони во воздух во текот на денот и ноќта.

Џонатан летот преку каналот Ла Манш планира да го изведе во јуни, седејќи на специјално дизајнирано седиште привразно за еден куп јажиња и балони со хелиум. Кога ќе дојде време за приземјување, авантуристот ќе мора со нож да ги прободи балоните кои ќе бидат најблиску до него за да може да слета.

"Секогаш кога ќе прободам балон, ќе се слушне тресок и цела конструкција помалку ќе затрепери. Иако таквата метода е елементарна, дефинитивно е ефикасна. Откако ќе полетам ќе се движам со брзина отприлика 159 метри на минута", изјавил Џонатан.

На висина од 2 километри температурата е под нулата, а Џонатан ќе мора да диши со дополнителен кислород.