Само уште неколку часа и луѓето во целиот свет ќе се простат од старата 2008 година и ќе си посакаат здравје и среќа во новата 2009 година. Освен тоа што овој празник е најшироко распространет, тој е еден од најстарите празници во човечката историја. Традицијата на новогодишната празнична вечер датира од првиот милениум.

За древните Вавилонци пред околу 60 века, Новата Година започнувала со првата нова Месечина по првиот пролетен ден. Тогаш ги засадувале првите посади, а овошките и цвеќињата почнуваат да цветаат. Празнувањата траеле 11 дена, а 1 јануари немал никакво значење ниту од астрономска, ниту од земјоделска гледна точка.

Пред околу 2600 години Елините го преместиле празникот во крајот на март, а и тогаш првиот ден на јануари не означувал ништо посебно. Дури 153 години пред Христа, Римскиот Сенат објавил дека 1 јануари ќе се смета за почеток на Новата Година.Но и тогаш решението не било конечно, така што секој Император во древниот Рим сметал дека мислењето за Новата Година е субјективно. Конечното решение требало да стапи во сила со настапувањето на 46-та година од нашата ера, кога Гај Јулије Цезар го воведува новиот календар кој го носел и неговото име - Јулијански.

Во раната епоха, католичката црква го зела празнувањето на Нова Година како јазичен ритуал. Спротивно од јазичните празници и со распространувањето на христијанството, Црквата започнала да создава религиозни ритуали, вклучувајќи го и одбележувањето на почетокот на Новата Година. Сепак во средновековието во христијанскиот свет, почетокот на Новата Година бил најразличен - на Божиќ, на Велигден и т.н.

Дури во 16 век Венеција, а после неа и другите европски држави започнуваат да ја празнуваат Новата Година на 1 јануари. Постепено сите држави користејќи го Грегоријанскиот календар ја примаат таа дата за одбележување на почетокот на секоја Нова Година.

Низ годините, новогодишниот празник се претворил во еден од основните поводи на луѓето да се повеселат, да си посакаат здравје, среќа и плодност, а во празничен дух треба да биде секоја трпеза и облека. Сето тоа ја симболизира надежта на луѓето дека Новата Година што доаѓа ќе биде подобра и побериќетна...