Тие учат танц околу шипка за да се решат од стресот од испитите кои им претстојат...
Студентките од познатиот универзитет Кембриџ ќе учат како да танцуваат околу шипка, за да можат полесно да се справат со стресот пред испитите, објавуваат британските медиуми. Часовите за танцување ќе се одржуваат во легендарната "Blue Room" каде се одржувани бројни дебати на светските државници како Винстон Черчил, Далај Лама и бившиот архиепископ Дезмонд Туту.
Првите лекции почнуваат на 25 април и чинат 2 фунти на час. За сега тие се само за жени, а огласите укажуваат на тоа дека претходно искуство не е потребно. "Лекциите се за фитнес и здравје, нивната намера не е да бидат сексуални", рекол Хуан де Франциско, кој го организирал танцот околу шипка за студентките. Тој вели дека е свесен дека ова ќе предизвика голем број на контроверзии.
"Носењето на високи потпетици не се препорачува. Инструкторот ми рече дека студентките треба да носта патики или да бидат боси", рекол и додал дека не дошол сам на таа идеја, туку му ја предложила студентка, која веќе учи танц околу шипка.
