102-годишна жена од Кина стана најстарата ученичка во светот, откако се врати во прво одделение...
Ма Хјонсиан од градот Цизнан во провинцијата Шандун, започнала да работи во фарма за памук кога имала 13 години, но низ целиот живот не ја заборавала желбата за вистинско образование.
Својата желба успева да ја оствари дури сега, со помош на едно основно училиште, кое и овозможило да стане ученичка за еден ден. За да слуша, таа носела апаратче за слушање, а за читање користела лупа. На крајот на денот таа им заблагодарила на наставниците и соучениците, ветувајќи им дека ќе учи трудољубиво.
Ма се омажила на 18 години и станала домаќинка. Родила и одгледала 9 деца. Седум од нив имаат високо образование. Нејзиниот 58-годишен син, кој ја придружувал до училницата, раскажал како мајка му го продала целиот накит, за да добијат нејзините деца убаво образование. Нејзиниот најголем сон сепак бил еден ден сама да влезе во училница.
