Виртуелните пораки, електронската пошта и Фејсбук, овозможуваат бизнис и пријателска комуникација, но го олеснуваат и флертувањето...

За да се уверат во верноста на партнерот,  некои немаат непријатно чувство за ѕиркање во мобилните и компјутерите. Дали сте една од нив? На прашањето, дали ги читаат емаил-овите и СМС пораките на своите сопружници, 8% од мажите и 14% од жените одговориле потврдно, пренесува Mondo. Било откриено дека во 20% од случаите еден, а неретко и двајцата брачни сопружници, проверуваат што се се наоѓа во партнеровиот компјутер.

Студијата во која се опфатени речиси 1000 британски парови на просечна возраст до 49 години со долга брачна патека, ја направиле експерти на економскиот факултет во Лондон. "Откривме дека постои висок степен на шпионирање внатре во брачните заедници", рекла Елен Хелспер која го предводела истражувањето. "Она што најмногу не изненади е фактот дека жените почесто шпиунираат од мажите", додала таа.