Властите во Рио де Жанеиро планираат да изградат огромен водопад за Олимпијадата во 2016 година ...
Вештачкиот водопад ќе биде висок 105 метри и ќе биде дел од енергетскиот комплекс, кој ќе обезбеди осветлување на Олимпиското село. Тој ќе биде изграден на не многу голем остров, на кои ќе биде издигната кулата Сончев град.
Водопадот ќе оживее преку соларни батерии, со чија енергија водата ќе се искачува во резервоари на повеќе од 100-метри височина. Падот на водата, пак, ќе се трансформира во енергија со која воедно ќе се осветлува Олимпиското село. На кулата ќе има ресторан, продавници за сувенири и панорамски набљудителен терен.
