Бела јагода со вкус на ананас...
За период од неколку недели британците ќе можат да уживаат во ново овошје. Не станува збор за некое до сега непознато овошје скриено во џунглите на Јужна Америка, туку за "хибрид" наречено pineberry или ананас-јагода. Ова овошје се одгледува во стаклени градини, каде што созрева од зелено кон бело, и покажува дека е слатко и спремно за конзумирање.
Увозниците на ова необично овошје истакнуваат дека ова овошје може да се користи во слатките и во сладоледот на ист начин како јагодата и ананасот. Цената од 3 фунти за 125 грама не ја прави ананас-јагодата најскапото овошје од останатите понуди на полиците на британскиот пазар.
