Слики од голи мажи кои ги нацртал Адолф Хитлер ќе бидат понудени на аукција во британската куќа Mullocks...

Се работи за цртежи стари повеќе од 100 години, кои до неодамна не се знаело дека се Хитлерово дело. Кога е откриено дека диктаторот е автор на тие 12 дела, цената нагло им пораснала и се очекува да бидат продадени за најмалку 6.700 фунти.

Хитлер во младоста посакувал да стане сликар, а историчарите тврдат дека некои од своите дела ги пратил во познатата виенска академија, која го одбила неговото барање.

За Адолф, ова одбивање било рамно на катастрофа, бидејќи го напуштил училиштето во Линц и бил принуден да живее под кирија заработувајќи со правење на картички, се додека не се преселил во Минхен.

Останатото е историја. Иако многу веруваат дека светот би бил поштеден од холокаустот на диктаторот, доколку во младоста бил примен во академијата, неговиот биограф Ралф Георг, тврди дека ова не е точно.

"Никој не може да се тврди со сигурност такво нешто. Но Хитлер цел живот го користил одбивањето од Виенската академија", рекол Ралф. Всушност Адолф покасно потврдил дека професорите евреи биле виновни за тоа што тој бил одбиен за регистрација.