Масажа со кралски питони, новост во понудата на забавен парк во Англија...

На посетителите во забавен парк во областа на Сари во југоисточна Англија им се нуди необично искуство, масажа со кралски питон. Пред да се одлучите да одите на една авантура со гигантскиот ролеркостер наречен кобра, љубителите на адреналин можат да се релаксираат со помош на питон. Оваа необична понуда е дел од содржината на забавниот парк Chessington World of Adventures.

"Масажата со змии создава чувство на релаксација, бидејќи мускулите во змиските тела ја стимулираат циркулацијата на крвта", рекла менаџерката на паркот. Масажата со питони се нуди во ВИП зоните на забавниот парк, кој се нарекува Дива Азија. Сепак, забавниот парк не е првиот кој во својата понуда нуди масажа со змии. Минатата година истата работа ја започнала и една израелска бања, каде за 50 фунти шест питони ги опуштаат клиентите и нивните напнати мускули.