Бевме убедени дека повеќето жени го губат умот кога ќе се најдат пред прозорец натрупан со чевли или пак кога ќе се најдат во некој спа центар за убавина...

Всушност, дамите понекогаш остануваат без ум кога се разминуваат со убав маж. Најверојатно секоја би се сетила за ситуации, во кои здравиот разум ја изневерува, но сигурно не би претпоставиле што последно откриле британските психолози. Според д-р Роб Брејси од универзитетот во Сасекс, жените буквално оглупуваат кога се во долна облека, костими или кога имаат минимална облека на телото.

Според психологот, жените ја пренасочуваат својата ментална енергија во правец на тоа како околните луѓе го гледаат нивното разголено тело. Еден од најадекватните примери, сврзани со реални ситуации, е тезата кога жената се наоѓа на плажа во бикини. Ако некој непознат маж почнува да зборува со неа, таа го пренасочува вниманието врз поза на телото и гестовите, но и несвесно почнува да ја игнорира комуникацијата на вербално ниво.