Најстарото флаширано виски со слад во светот веќе се продава соопшти британскиот весник "Телеграф"...

Реткиот 70 годишен "Mortlach" ќе биде пуштен на пазарот од марката Gordon & MacPhail. Бурето, во кое се чувало вискито било наполнето по наредба на John Urquhart на 15 октомври 1938г, дедо на денешните извршни директори на компанијата David и Michael Urquhart и точно седумдесет години подоцна тоа ќе биде испразнето и флаширано.

Браќата Urquhart го опишаа пијалокот како "неспоредлив". Ова е многу посебен ден за нас, рекле тие. "Нашето семејство е во бизнисот со виски многу време, така секоја генерација го пренесува наученото во животот на следната," додале Urquhart.

Писателот и експерт за виски Charles MacLean го опиша седумдесет годишниот пијалок како "деликатно, свежо, витално и овошно со необичен вкус на восок и дим".

Ценетото виски било пренесено во замокот Единбург од стражата на 4-тиот шкотски баталјон.

Од неверојатниот пијалок ќе бидат произведени само 54 големи шишиња, кои ќе се продаваат по 10 000 фунти по шише и 162 мали со цена од 2 500 фунти.