Смеса од градежништво, уметност и иновативност...
Погледнете ги најфутуристичните згради во светот. Изборот е на машкото списание Askmen:
1. Зградата на телевизијата CCTV во Пекинг
Дизајнот е толку иновативен што некои експерти велат дека ваква зграда воопшто не би можела да биде изградена. Претставува неправилна форма, која се издига на височина од 238 метри.
2. Музејот M.H. de Young Memorial Museum во Сан Франциско
Изграден е во паркот Golden Gate во Сан Франциско, на местото на музеј, разрушен во земјотресот во 1989 година. Основата на зградата е положена во свеса, чија основа е гума. Така, според архитектите, зградата е отпорна на земјотреси и може да се "лула" но нема да падне.
3. Националниот аква центар во Пекинг
За олимпијадата во Пекинг во 2008 беа изградени многу иновативни згради. Една од нив е Аква центарот, кој изгледа како да е покриен со балони. Револуционерната обвивка на зграда е нов модел на тефлонов материјал наречен ETFE. Обвивката се менува на различна светлина и создава неверојатни визуелни ефекти. Таа, исто така, складира сончева светлина како енергија. Околу 90% од сончевата енергија се складира за греење на базените.
4. 30 St Mary Axe во Лондон
Изграден е во 2004 година и главната цел на архитектите била ефикасноста. Дупките во подови на секој кат служат како шахти, кои создаваат вентилација, а надворешната форма го минимизира ефектот на ветрот, кој е карактеристичен за облакодерите.
5. Седиштето на Caltrans во Лос Анџелес
Зградата има канцеларии, надворешни и внатрешни лоби, амфитеатар и четири нивоа на подземен паркинг. Покриена е со алуминиумски панели кои можат да се затвора и отвора во зависност од времето. На фасадата има соларни панели, кои обезбедуваат 5% од струјата.
