Една 100-годишна жена тврди дека цигарите и алкохолот ја одржувале млада...
Една стогодишна жена, минатиот понеделник го прославила својот 100-ти роденден. За тој настан таа наздравила со чаша виски, уживајќи притоа во димот од цигарата, која ја пуши веќе 70 години. Лорна Гобеј својата прва цигара ја запалила во 1940 година, а сега дневно пуши по дваесет. Таа вели дека никогаш немала здравствени проблеми.
Виталната бабичка од Cheltenham го открила својот рецепт за долг живот: "Отсекогаш сум се трудела да уживам во животот. важно е да го работите тоа што го сакате и да не допуштите проблемите да ве претепат. Уживам во пушење, виски, бинго и куглање. Можеби затоа толку долго проживеав, иако никогаш не бев помислила дека ќе дојдам до сто".
Бабичката која ги преживеела и двете светски војни, надживеела тројца мажи и сведочила на падовите на безброј влади, има 55 потомци. Лорна Гобеј се до своите седумдесетти се возела на мотор. Таа и понатаму не го успорува темпото на живот. "Не ги следев правилата на живот, но мојот стил на живот не ми наштети и ќе продолжам да живеам исто".
