Kинез тврди дека веќе 2 години преживува јадејќи исклучиво трева и лисја...
Ли Сања е 50-годишник од село во кинеската провинција Guangdong, кој е совршено задоволен од својот необичен начин на исхрана. Вели дека изгледа исто како и неговите соселани, но признава и дека поради тревата има поинтензивен мирис. Идејата за ваква диета му дошла кога гледал ТВ програма во која се зборувало за тоа дека луѓето можат да преживеат 10 дена без храна, само со вода.
"Мислев дека би можел да се обидам да живеам исклучиво од природните нешта кои растат во близина на мојот дом", рекол Ли. Отпрвин тој ја јадел тревата од ливадата, но му била премногу банална и се сомневал дека е заразена со пестициди. Затоа преминал на билки, кои многу повеќе му одговарале. Иако на почетокот јадел и по малку ориз, наскоро и од тоа се одрекол, а денес неможе да замисли да јаде, на пример, месо.
Тој е уверен дека од маснотиите би му било лошо. "Откако јадам само растенија, ниту еднаш неморав да одам на доктор. Дури и туморот на десната нога ми се повлече", тврди Ли. Локалната болница вели дека повеќето растенија во оваа област се јадат, но сепак не го препорачуваат начинот на исхрана на Ли.
