"Sink The Bismarck" е новото пиво на Шкотската пивара BrewDog, а со своите 41% на алкохол е најсилно пиво на светот...

Шкотите со тоа им ја одзеле титулата на Германците, чија пивара Schorschbrau создала пиво од 40% на алкохол. Името на новото пиво со најмногу алкохол е директна провокација на конкурентното германско пиво. Имено, "Sink The Bismarck" е легендарна заповед на Winston Churchill, откако кралската воена морнарица потопила германски воен брод. Пивото "Sink The Bismarck" има повеќе алкохол од вискито и вотката. Пиварата веднаш огласила дека овој пијалок треба да се пие одговорно и не како останатите пива.

Директорот на BrewDog, James Watt, изјавил дека ова пиво треба да се пие во мали количини, како што се конзумира и чаша чисто вино. Иако оваа пивара предизвикала бурни расправии со своите жестоки производи, создавањето на најалкохолното пиво не предизвикало никакви реакции во медиумите. Шише од 0.33 литри од ова пиво ќе чини 40 фунти, а ќе се купува преку интернетската страница на пиварата BrewDog.