Неговото име е Ентони Мансинели. Тој живее во Њу Јорк и е запишан во гинисовата книга на рекорди...

...како човек кој поставил рекорд по возраст во својата професија, пишува New York Times. Мансинели, кој во март ќе наполни 99 години, започнал со работа како фризер на 12-годишна возраст и оттогаш листата на неговите клиенти се реди четири генерации на локалните жители. Во почетокот цената на неговото подстрижување чинело само 25 центи, но сега е 12 долари.

Тој израснал во семејство кое имало многу деца и во кое децата рано започнале да го заработуваат својот леб. Провинцискиот фризер целиот свој живот го поминал во Њубург, Њу Јорк, а веќе станал и градска знаменитост. Него го нарекуваат одечка енциклопедија, односно човек кој искусил голема депресија, Втората светска војна и десетина претседатели.

Тој со точност ги памти настаните од почетокот на векот, меѓу нив и турнејата на Beatles и националниот шампионат за американски фудбал. Независно од неговата возраст, Мансинели секој ден подстрижува од 25 до 30 луѓе. Отворен и дружељубив тој воопшто не размислува за пензија.