Американската пејачка Мадона планира до 2012 година да изгради еколошко училиште за девојки во главниот град на Малави...

Главниот извор за енергија ќе бидат соларни панели, информира интернет изданието Inhabitat. Со собирањето на средствата за изградба на училиштето се занимава хуманитарната организација на пејачката со име Raising Malawi.  По завршувањето на градежните работи ќе можат да се обучуваат 450 девојчиња.

"Училиштето ќе има библиотека, спортска сала, медицински центар, 30 училишни соби и 12 спални, како и 18 соби за користење на персоналот. Училиштето ќе биде покриено со фотоелектрични панели, кои ќе го хранат училиштето со електрична енергија. Мадона освен по уметничката кариера е позната и со посветеноста во многу хуманитарни организации, од кои едната се вика Raising Malawi.