Традиционалните ресторани во Дубаи во своето мени додадоа и хамбургер од камила...

За цена од 5.45 долари ресторанот  Local House нуди хамбургер од камила со сирење посипен со специјален сос. Али Ахмед Есмал,  менаџер во Local House, изјавил дека новиот сендвич не содржи маснотии и холестерол. Тој одби да прецизира како го обработиле жилавото камилско месо. "Ова е трговска тајна", додал тој. Камилското месо е широко распространето во некои Арапски земји но најчесто не се продава во супермаркетите и не се нуди во рестораните.

Весникот Xpress наведува дека Local House се првите, кои го вовеле хамбургерот како храна во Обединетите Арапски Емирати. Ресторан за брза храна во соседна Саудиска Арабија нуди бебешки камилски хамбургери во менито од минатата година. Камилскиот хамбургер кој е хит меѓу локалните жители и туристите, се нуди и во Бурж Халифа, највисоката кула во светот, позната како Бурж Дубаи, каде Local House можат наскоро да отворат своја филијала.