Голема сличност со современиот човек...
Полските научници ги објавиле резултатите од своето истражување, во кое стои дека во една пештера пронашле три заба, кои припаѓале на неандерталците. Токму овие три заби, научниците предвидуваат дека ќе фрлат ново светло на големата сличност помеѓу неандерталец и модерниот човек.
Иако и порано се пронајдени остатоци од неандерталци на подрачјето на Полска, ова е прв пат да пронајдеме заби, рекол претпоставениот на групата научници, Миколај Урбановски. Според анализата едниот заб, бил на неандерталец кој починал на возраст од 20 години.
Научниците веруваат дека пронајдените заби му припаѓале на неандерталци кои живееле пред 100.000 до 80.000 години. Според информациите објавени од страна на Associated Press, забите се ископени во една пештера северно од Карпатите.
Со забите се пронајдени и алати од камења и коска на мамут и носорог, вид на животни изумрен во ледената доба. Исто така на истото археолошко пронаоѓалиште, се пронајдени чекич од рогови на ирвас и коски на пештерски мечки, на кои се забележувале засекотини, што укажуваат дека неандерталците ги јаделе.
Според предметите кои се пронајдени на тоа наоѓалиште, научниците заклучуваат дека се работи за примитивен начин на погребување, и дека овие луѓе верувале во задгробниот живот.
