Кинез формирал "банка за тага", во која поранешните партнери можат да ги чуваат љубовните сувенири, без да се срамат од новите партнери...

Во банката 30-годишниот Гун Елун од Пекинг нуди две основни услуги - да чува спомени од завршени врски и да ислушува раскази за големите љубовни разочарувања. "Идејата за банката ми дојде, откако мојот пријател, кој требаше да се жени, ме замоли да ги чувам подароците од неговата поранешна девојка. Тој не сакаше да ги фрла, но неможеше ниту да ги однесе дома. Кога направив анкета меѓу пријателите, се покажа дека 80 отсто од нив се соочуваат со истиот проблем ", раскажува Гун Елун. Младиот маж го отворил магазинот пред еден месец и веќе има повеќе од 40 клиенти. Повеќето од нив се жени. На полицата на "банката за тага" се наредени различни сувенири, играчки, чаши, книги фотографии, документи. Клиентите можат да ги испраќаат своите работи по пошта или лично да ги донесат во продавницата на Гун Елун. Месечната такса е 10 кинески јуани. Повеќето клиенти потпишале едногодишен договор, а има и можност спомените да бидат чувани за период од 30 години.