Кина минатата година ја помина Јапонија, претварајќи се во втор пазар по големина на дијаманти после САД...

Според берзата во Шангај пазарот во Кина се зголемил за 16.4% со над 1.5 милијарди долари. Официјалната агенција Ксинхуа објави дека таквото годишно зголемување на нивната побарувачка, кога поголемиот дел од светот западнал во длабока рецесија, се должи на бурниот економски раст во 2009 година, што достигнал 8.7%. "Со стабилниот раст на развојот на економијата, корисничката побарувачка на накит ќе продолжи да се зголемува, особено за дијаманти за свадбениот пазар", пишува Ксинхуа.

Зголемената просперитетна средна класа и големиот број на корисници се сметаат како главни фактори за зголемување на продажбата на дијаманто во најголемата по население земја во светот. Побарувачката на дијаманти таму започна вистински да се развива во 90-тите.