Познатиот парашутер и B.A.S.E. скокач, Феликс Баумгартнер ќе скока со падобран од височина од 36 и пол илјади метри...

Се очекува дека при слободниот пад, тој би можел со сопственото тело да го пробие звучниот ѕид. Тоа инаку не е првиот скок од вселената. Во 1960 година од 35 километри скокна воздухопловниот офицер, полковникот Џо Китинџер.

Тој скок бил важен експеримент за вселенската програма. Баумгартнер е инаку познат по своите опасни потфати, како слободното прелетување преку англискиот канал во летечки костим.

Исто така, го држи и светскиот рекорд во B.A.S.E. скокање, што го постави со скок од тогаш највисока кула во светот во главниот град на Малезија, Куала Лумпур. Во изминатите две години ги помина подготовките за престојниот предизвик.

За време на скокот ќе биде опремен со најновата технологија, за да се соберат бројни податоци за самиот пад, неговата физичка состојба во последните фази од падот и слично.

Тоа ќе биде единствената можност за собирање на податоци, бидејќи Баумгартнер ќе скокне од самиот раб на вселената. Денес би требало да се знае кога ќе биде изведен скокот.