Одраснатите Шкоти годишно пијат количина алкохол еднаква на 46 шишиња вотка, пренесува Би Би Си...

Истражувањето спроведено од страна на Министерството за здравство беше врз основа на податоците за продажба на алкохолни пијалаци, според кој шрпдажбата од септември 2008 година до септември 2009 година изнесувала околу 12.2 литри чист алкохол по лице постаро од 18 години. Така во Шкотска минатата година се продадени повеќе од 50 милиони чист алкохол, што би значело дека секој полнолетен ја надминал препорачаната количина на алкохол.

Шкотите испиле 25 посто повеќе алкохол по глава отколку Англичаните или Велшаните. "Мораме да воведеме порадикални мерки за намалување на проблемот со консумирање на алкохол", рекол Џеки Бајли, еден членовите на кабинетот, кој смета дека намалувањето на цената на алкохолот може да влијае на проблемото на преголемото конзумирање. Според нејзино мислење токму конзумацијата на алкохол е најголемиот здравствен проблем во Шкотска.