Тврдењата за кокаинот како безопасна дрога за забава, се голема лага...
Мислењето за кокаинот како "безопасна дрога за забава" е лага која конечно мора да биде разотриена, предупредуваат британските научници. Британски истражувачи од фондацијата за срцеви заболувања, кои резултатите од своето истражување ги објавиле во магазинот "Европско срце", наведуваат дека кокаинот може да го уништи срцето, да предизвика срцев удар, пореметување во ритмот на срцевиот мускул и на крај да доведе до ненадејна смрт на конзументот.
Потенцијално на смртоносни последици од земањето кокаин можат да бидат изложени сите, дури и многу млади и здрави луѓе кои никогаш не имале проблеми со срцето. Научниците во југозападна Шпанија истражувале 668 случаи на изненадни и необјасливи видови на смрт, кои се случиле во периодот од 2003 до 2006 година, откривајќи дека дури 21 случај бил поврзан со земањето на кокаин.
Сите починати кои се поврзани со земањето на кокаин биле здрави мажи на возраст од 21 до 45 години. Смртоносното делување на кокаинот го стимулираат и истовремената конзумација на тутун и алкохол. Кокаинот дури во многу мала количина, предизвикува хронично оштетување на срцето и артериите, кои на крајот доведуваат до ненадејна смрт.
