Египетските археолози откриле нови гробници на работници вклучени во изградбата на Кеопсовата пирамида...
Тоа го соопшти египетскиот министер за култура Фарук Хосни. Археолошка експедиција, предводена од директорот на Врховниот совет за египетска антика, Захи Хавас, откри нова група гробови од IV династија (2649-2513 пред Христа). Тоа се гробови на работници, гредежници на најголемата пирамида, се вели во сопштението на министерот. Првите гробници на работници беа откриени во 1990 година.
Според Захи Хавас откритието е важно, бидејќи се спротивставува на се што е напишано и кажано за изградбата на пирамидите од робови. Доказот дека работниците не биле робови се гледа во фактот дека гробовите се наоѓаат во непосредна близина на пирамидата и гледаат кон неа. "Доколку беа роботи, гробовите немаше да бидат таму", рекол Захи. Според него бројот на работниците кои биле вклучени во изградбата на најголемата од египетските пирамиди не надминува 10 000.
