Неандерталците се шминкале уште пред 50.000 години...

Научниците тврдат дека го имаат првиот доказ дека Неандерталците пред 50.000 години врз себе нанесувале боја. Тимот од научници предводен од Joao Zilhao од Велика Британија, тврди дека во Јужна Шпанија се пронајдени стапчиња со бои за кои се верува дека Неандерталците ги нанесувале на себе. Тимот на научници изјавил дека она што го пронашле било закопано и остава впечаток дека Неандерталците биле досетливи и способни да размислуваат симболично. Професорот Zilhao изјавил дека тој и неговиот тим ги испитале стапчињата кои биле користени за мешање и потхранување на боите.



Црните стапчиња кои се добивале од манго и можеле да бидат користени како боја за тело, претходно веќе биле откриени во Африка. „Ова всушност е цврст доказ за нивната употреба во козметиката. Но, користењето на комплексни рецепти е ново. Тоа е повеќе од body-painting“ - изјавил Zilhao. Научниците пронашле жолт пигмент за кој мислат дека веројатно бил користен како основа, а пронајдена е и црвена пудра. Досега, многу истражувачи мислеле дека само луѓето од модерното време носеле шминка и накит како декорација за некои ритуали.