Руските научници наскоро ќе се состанат за да разработат план за спасување на Земјата од можниот катастрофален удар на астероид кој нашата планета треба да ја погоди за 26 години...

Антолиј Перминов објави дека научно-технички совет ќе започне подготовка на стратегија за превенција од ударот на астероидот Apophis во Земјата во 2036 година. "Овде зборуваме за спасување на човечки живото", рекол Перминов драматично на руска радио станица, и додал дека подобро би било да се потрошат неколку стотина милиони долари за создавање на систем од превенција на удар, отколку да се чека ударот да се случи и да умрат стотици илјади луѓе.

Астероидот Apophis е со дијаметар од 350 метри и неговиот удар во Земјата ќе создаде пустина со големина на Франција. Перминов рекол дека во подготовката на план за спречување на нападот најверојатно ќе учествуваат во руските, европските, американските и кинеските научници. Во октомври НАСА најавила дека, според последните проекции, се намалува опасноста од ударот на Apophisa на Земјата во 2036 година.