Жените можат да почувствуваат дали мажите се привлечени од мирисот на потта, покажува едно ново истражување

Мирисот на машката пот е различна во зависност од тоа во какво расположение е Тој. Преку неа претставничките на понежниот пол можат да разберат дали мажот е привлечен за нив, утврдиле научниците од универзитетот Рајс во Тексас.

За време на истражувањето, раководено од д-р Денис Чен, професор по психологија, 19 жени на 20 годишна возраст требало да помирисаат два типа машка пот, условно наречени "нормална" и "сексуална".

Потта била извлечена од група мажи со полиестерни потпунки поставени под мишка. "Нормалната" пот била добиена за време на 20-минутна сесија со прикажувањето на образовни филмови. Потоа од мажите било побарано да гледаат еротско видео со иста должина и во тоа време бил извлечен "сексуалниот" секрет.

Додека жените учеснички во истражувањето биле изложени на различни мириси на крајот, научниците ги проследиле нивните мозочни активности. Доброволките не се свесни, но се покажа дека мозокот не само што ја препознава аромата на секој од секретите, но и реагира на нив.

Д-р Чен вели дека "сексуалната" пот активира различни области во интелектот на жените. Според неа женскиот разум може да почувствува мирис на маж, кој чувствува привлекување кон неа.

Сега експертите планираат да го прошират истражувањето и да анализираат како овие мириси влијаат на однесувањето на мажот и на жената еден кон друг.