Од моментот кога започнала да има контракции, Рут Иорио почнала да објавува свои мисли, своите чувства и слики на Фејсбук и Твитер...



И покрај болката и возбудата, таа одлучила куќното породување да го сподели со пријателите, семејството и сите непознати пријатели на социјалните мрежи.



Нејзината цел била да го покаже "уникатното искуство, без разлика дали е пријатно за гледање или не и да биде искрена за тоа".



„Контракциите започнаа околу 20:15. Ја исчистив куќата и сега ќе одам да се бањам. Ќе твитам за сè @fowlerruth и ќе се обидам да ставам линк на Твитер и Фејсбук“, напишала Рут на почетокот на приказната.



Рут ја опишала болката, возбудата, како не можела да заспие и ја пофалила нејзината бабица. Фотографиите ги објавувал нејзиниот сопруг Џаред.



Иорио го родила дома својот син Нај. Набргу потоа била пренесена во болница, бидејќи плацентата не се одвоила.



„Нај беше свртен со задникот. Излудев од болка кога излегуваше рамото. Изгубив многу крв, а потоа ме пренесоа во болница. Се чувствувам ужасно, но, се опоравувам. Утре со бебето се враќаме дома. Ова беше лудо искуство“, напишала таа.