Instagram и Facebook станаа главно место за фалење со мед и млеко, свила и кадифе, возни паркови со луксузни автомобили и ретки животински видови...



Овие две места се главни за ваквиот вид на демонстрирање на огромното богатство во младите богати земји на Блискиот Исток и Персискиот Залив.

Еден од нив е Хумаид АлБукаиш, кого на Instagram го следат повеќе од 250.000 фанови, кои со нетрпение чекаат нови детали од луксузниот живот за кого повеќето можат само да сонуваат.



Во коментари изразуваат восхит и завидување за неговиот начин на живот, што е веројатно целта на прикачувањето на овие фотографии.

Поседувањето на „големи мачки“ во Персискиот Залив е начин за да се покаже големината на богатството, со оглед на тоа што еден бел лав чини речиси 40.000 евра.

Хасим Али е сопственик на Рас Ал Каима резерватот за диви животни во Обединетите Арапски Емирати и тој ги зема сите животни што остануваат премногу големи или опасни за нивните сопственици.



„Ако некој купи многу скапо животно, тој така покажува дека има доволно пари за да купи што сака. Ако сака да го скроти дивото животно како што е лавот, се обидува да докаже дека е храбар. Сепак, тоа нема никаква врска со храброста, тоа е загрозување на правата на животните“, рекол Хасим Али.