Овој месец се одбележува 50-годишнина од убиството на американскиот претседател Џон Кенеди во Далас...



Веројатно за ова убиство знаете голем број на факти, како на пример дека Ли Харви Освалд е убиецот и дека постојат речиси 100 теории на заговор - кој стои зад убиството. За обелоденување на некои работи, CNN објавил 5 факти, за кои може се уште не сте слушнале.

1. Ли Харви Освалд не бил уапсен за убиството на Џон Кенеди

Освалд бил всушност уапсен за убиство на полицаец, 45 минути после атентатот на Кенеди. Тој ги негирал и двете убиства, а го убиле само два дена после убиството.

2. Убиството на претседателот не бил федерално кривично дело во 1963

И покрај убиството на дури тројца претседатели - Абрахам Линколн, Џејмс Гарфилд и Вилијам Мекинли, убиството или обидот за убиство не било федерален криминал се до 1965 година.

3. Телевизиските мрежи не емитувале вообичаена ТВ програма 4 дена

Трите телевизиски куќи - CBS, NBC и ABC ги прекинале телевизиските програми 4 дена со цел целосно да го следат убиството на претседателот.

4. Прв и единствен пат имало заклетва пред судијка во САД

Четири часа после атентатот на Кенеди, заменик претседателот Линдон Џонсон положил свечена заклетва како нов претседател на САД пред судијката Сара Хјуз, единствената жена судија во историјата на заклетвата.

5. Освалд се обидел да го убие противникот на Кенеди

8 месеци пред убиството на Џон Кенеди, Освалд се обидел да го убие анти-комунистот Едвин Вокер, жесток противник на Кенеди, во неговата куќа. Инспекторите го откриле тоа после убиството на Џон Кенеди.