Човекот е најумен во утринските часови, кога се уште не го совладале секојдневните обврски и додека има самоконтрола...



Токму ова го потенцираат научниците од Харвард, за да може човекот токму поради тоа сознание да ги носи сите важни одлуки претпладне.

Според последните истражувања, како минува денот, така човекот е поуморен, а неговото однесување е надвор од контрола, кое дефинитивно не е добар тајминг за донесување на важни одлуки. Освен донесувањете на лоши одлуки, луѓето навечер се повеќе склони кон неморално однесување.

За време на истражувањето луѓето имале задача да одговорат на прашањето, на која страна од екранот на компјутерот гледаат повеќе точкички. Им биле ветени пари ако одговорат дека точниот одговор е на десната страна, што било голема причина за да лажат. Се покажало дека многу помалку лажеле луѓето кои биле тестирани во утринските часови, во споредба со оние кои одговарале во попладневните часови.