За многумина парови свадбата е синоним за рози, ангели и гулаби, но не и за овој млад пар од Тексас, кои на гостите од нивната свадба ги послужиле со „хорор“ торта...



Морбидната торта ја смислила и направила самата невеста, 28-годишната Натали Сајдсерф, која е слаткарка по професија.

Кога требало да ја изберат нивната свадбена торта, Натали одлучила да направи нешто оригинално. Имајќи го предвид тоа што таа и нејзиниот сопруг Дејв обожаваат хорор филмови, направила торта која предизвикува повеќе гадење отколку восхит.



Тортата ја направила како две откинати глави, нејзината и на Дејв, како лежат во локва крв.

„Обожаваме хорор филмови. Додека гледавме еден таков филм, му предложив на Дејв да направиме торта со нашите отсечени глави. Тој веднаш се согласи“, изјавила невестата за ABC канал.



"Не ги предупредивме сватовите, така што беа во шок кога ја видоа тортата. Но, подоцна многу им се допадна", додала Натали.

Инаку свадбената торта ја направила Натали со крем од ванила и чоколадо.