Најдобро време за пиење на кафе, за да се обезбедите со дневна доза кофеин, е меѓу 9,30 и 11,30 часот, соопштија американски невролози...
Причината е во начинот на кој кофеинот комуницира со клучниот хормон наречен кортизол, кој помага за регулирање на внатрешниот часовник на телото и за стимулирање на будноста. Нивоата на кортизол се високи малку по будењето и можат да останат високи до еден час потоа, достигнувајќи врв меѓу 8 и 9 часот.
Американскиот невролог Стивен Милер тврди дека е подобро да се снабдите со потребната доза кофеин по овој врв, бидејќи го стимулира производството на кортизол. Тој додава дека пиењето кафе , додека нивото на хормонот е високо, може да стане причина за луѓето да се навикнат на кофеинот, содржан во пијалакот, а тоа значи дека тие често ќе имаат потреба од дополнителна чаша наутро, за да добијат ист ефект.
Милер истражувал како кортизолот се менува во текот на денот. Супстанцијата што се произведува во големи количини во моменти на стрес, помага за претворање на резервите на енергија во шеќерна гликоза, така што таа ќе биде икористена од клетките во телото.
Напливот на енергија наутро ја зголемува будноста, но исто така го зголемува и чувството за глад . Научници открија уште дека Кортизолот е одговорен и за синхронизирање на внатрешниот секојдневен ритам во телото. Претходните истражувања покажаа дека пиењето кафе попладне помага за спречување на загубата на внимателност по обилен ручек.
