Коргита - омиленото куче на британската кралица, е загрозено од истребување, објави Британскиот Кинолошки клуб, цитиран од Франс прес...

Од клубот ја вклучиле коргитата во листата со раси кои треба да се следат, откако од почетокот на годината се издадени само 241 акти за раѓање на чистокрвни коргита.

Ако до крајот на годината "судбиноносната" бариера од 300 акти за раѓања на коргита не биде решена, коргито ќе се смета за загрозена локална сорта од 1 јануари 2014 година, забележале од клубот.

Според весникот "Дејли телеграф" виновник за оваа состојба на нештата е поранешната Лабуристичка влада. Во 2007 година
лабуристите усвоија закон кој забранува да се сечат опашките на коргитата, а тоа го промени нивниот изглед, така што ги направи "помалку естетски".

Коргитата се појави во британското кралско семејство во 1933 година при управувањето на Џорџ Шести. Околу 40 коргита и правеле друштво на Елизабета Втора во Бакингемската палата. Голем број коргита се овековечиле заедно со британската кралица на официјални фотографии и слики.