Едно од најголемите предизвици во градењето на бренд (и во таа смисла на успешна компанија) е изборот на име. И со право. Вистинското име може да донесе доста позитиви на фирмата, а несоодветното - да направи и погрешен впечаток, пишува Forbes. Постојат 4 знаци по кои можете да се ориентирате дали сте избрале навистина добро име...

Лесно е за изговарање. Тоа може да изгледа како нешто вообичаено, но всушност не е така. Некои луѓе сакаат да лудуваат со чудни и алтернативни имиња кои клиентите понекогаш едноставно не ги сакаат, а не можат да кажат. Подобро е да се држиме до работи кои се достапни за изговарање.

Не е премногу долго. Колку подолго е името, толку е понефункционално. Тешко се вклопува во табели, не стои толку добро во рекламите. А и истражувања покажуваат дека корисниците потешко ги помнат долгите имиња.

Директно е. Името на една компанија не треба да е премногу креативно, туку да се насочува кон конкретната дејност. Останатите елементи како дизајн, лого и т.н можат и да се неконвенционални, но подобро е името да е едноставно, особено кога станува збор за производ.

Незаборавно. Иако одлучите да ги игнорирате претходните совети, едно нешто е многу важно - името да останува во главите на оние кои го слушаат. Ако измислите или сретнете име кое е супер незаборавно и одговара на вашата компанија, користете го без двоумење (можеби сепак не е премногу долго).