Тим од кинески лекари и го трансплантирале лицето на девојчето Ксу Ѓанмеји (17), чие лице било изобличено поради пожар...



Откако се разбудила од анестезија, девојката открила дека повторно има лице, брада и очни капаци. Она што најмногу ја израдувало е што после 12 години повторно може да се смее нормално.

Родителите на девојчето не можеле да си дозволат пластична хирургија, но можноста се појавила кога лекарите понудиле бесплатна експериментална операција за Ксу.



Докторите и пресадиле крвен сад од бутовите на градите и со вода ја наполниле кожата на градите како балон, за да може да и израсне ново лице.

Кога лицете израснало, операцијата траела осум часа, по што Ксу се разбудила сета потечена, но повторно со целосно ново лице.



„Со нејзиниот нов изглед ќе може да комуницира попрецизно. Ќе може да се вцрви при промена на емоции, но дотогаш ќе треба да помине време“, изјавил хирургот Џијанг Ченхонг.

Кинеските лекари извршиле неколку слични операции во последно време, од кои најпозната е онаа каде на човек му пресадиле нос од челото.