Меѓу десетте туристички дестинации кои треба да ги посетите во 2014 година, според препорака на светскиот туристички водич "Lonеly planet", се наоѓа и Македонија...

Во водичот Македонија се опишува како враќање во иднината во балкански стил, а покрај главниот граад Скопје и Охридското Езеро, на туристите им се препорачува да ги посетат ски центарот Маврово, античката населба Стоби, градот Берови, стариот град Кратово со мостовите од Отоманската империја и Римското царство, и регионот на Тиквеш во кој се наоѓаат винарии.

За главниот град Скопје се наведува дека токму во 2014 година треба да се заврши "владиното сакано но и оспорувано реновирање".

Скопје е најпосетена дестинација во Македонија и нуди добри хотели, винарии и кафичи, како и најдобра клубска сцена во Југоисточна европа, објаснува водичот "Lonеly planet".

На листата на светскиот водич, како дестинација број еден за следната година се наоѓа Бразил, потоа следуваат Антарктик, Шкотска, Шведска, Малави, Мексико, Сејшел, Белгија, Македонија и Малезија.